Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 108v
Buchedd Beuno
108v
idaỽ mynet dracheuen yr gỽeith lle y|buassei gynt
yn ennill y|vỽyt yndaỽ. Ac odyna o annoc kythreul
a|e gledyf a|hi yn|y chỽsc. llad y|phenn. Ac yna ker+
det a|oruc ef racdaỽ tu a|e ỽlat ar meirch da ar eur
ar aryant gantaỽ hyt at y|brenhin. Ac o|r|da hỽnnỽ
prynu y|gann y|brenhin medyant. a sỽyd. nyt am+
gen bot yn distein idaỽ. Sef a|oruc bugelyd beuno
arganuot y|corff. ac yn ebrỽyd dyuot y|venegi y|veu+
no hynny. Sef a|ỽnaeth beuno yna. dyuot yn dilesc
ygyt ac wỽynt* hyt y lle yr oed y corff. Ac yn|y lle ky+
mryt y|penn a|e|ỽasgu vrth y|corff. a|syrthaỽ ar|dal
y|linyeu. a|gỽediaỽ duỽ val hynn. Arglỽyd creaỽdyr
nef a|dayar y|gỽr nyt oes dim anỽybot idaỽ. kyuot
ti y|corff hỽnn yn|yach. ac yn|y lle kyuodi a|oruc y
vorỽyn y|vyny yn holl yach a|menegi y|veuno y
holl damỽein. Ac yna y|dyỽat beuno vrthi hi.
Deỽis ti heb ef a|e mynet tu a|th|ỽlat a|e trigyaỽ
yma yn gỽassanaethu duỽ. heb y|vorỽyn da a|dỽyn
yma heb hi y|mynnaf|i trigyaỽ ger dy|laỽ di ynn
gỽassanaethu duỽ. y|gỽr am|kyuodes i yn|vyỽ o|va+
rỽ. Ac yn|y lle y|syrthaỽd y|gỽaet yr llaỽr yr|ymdan+
gosses ffynnaỽn loeỽ. Ac o enỽ y|vorỽyn y|kauas y|ffyn+
nyaỽn y|henỽ. nyt amgen. ffynnaỽn digiỽc. A|gỽedy
talym o|amser y|deuth braỽt yr vnbennes. idon vab
ynyr gỽent hyt at veuno y|amouyn y|chỽaer ̷
| « p 108r | p 109r » |