Rhydychen, Llsgr. Coleg yr Iesu 57 – tudalen 150
Llyfr Blegywryd
150
O |R gomed dyn deir|gỽys o bleit y brenhin
am|tir. ac na|del y atteb y|r neb a|e gouyn+
no. yr haỽlỽr a|dodir y|medyant ohonaỽ. Os o
achaỽs kyfreithaỽl y trigyaỽd ynteu heb dyuot
ef a|geiff oresgyn. Os tremygu a|wna ef y kyn+
taf. a dyuot y|r eil neu y|r dryded. y geniuer gỽ+
ys a dremycko. y geniuer kamlỽrỽ a tal y|r bren+
hin. ac eissyoes ny dygỽyd ef o|e dadyl. namyn
os kyfreith a|e barn idaỽ attebet. Ny chyỻ neb
y tir yr dygỽydaỽ yng|gỽaỻaỽgeir. yny dygỽydo
deirgỽeith. Y neb a|daly kynnassed o tir. ny thal
hỽnnỽ ebediỽ pan uo marỽ. O|r byd tir rỽng
gỽelygord heb rannu. kyt bont marỽ oỻ. na+
myn vn. hỽnnỽ a geiff y tir kyffredin oỻ. ac o+
ny dichaỽn ef wneuthur kỽbyl wassanaeth
dros y tir hỽnnỽ. trigyet y tir y|r brenhin yny
aỻo hỽnnỽ y wassanaethu. O|r gouyn dyn tir
trỽy ach ac eturyt. ny dylyir y warandaỽ yny
dyngho henuryeit gỽlat y hanuot o|r welygord
a gynhalyo y|tir. Pỽy bynnac a|gynhalyo tir
| « p 149 | p 151 » |