Rhydychen, Llsgr. Coleg yr Iesu 57 – tudalen 254
Llyfr Blegywryd
254
dyolef. a mab diodef. Sef yỽ mab dyolef. mab
a|dywetto gỽreic ar tauaỽt leueryd. ac na|s|dycco
y|r dygyn. hỽnnỽ a|eỻir y wadu pan uynher. ~
Mab diodef yỽ. mab a dycco gỽreic yn gyfreith+
aỽl. a|diodef un dyd a blỽydyn. ny eiỻ y wadu
o hynny aỻan vyth. O deruyd y hỽnnỽ wneu+
thur kyflauan ny eỻir y wadu yn yr yng. ka+
ny wadỽyt yn yr ehang. ỽrth y vot yn uab dio+
def. Kyt boet y brenhin a vo tat y uab aỻtudes
a gỽadu o·honaỽ aỻtut vyd y vab o|hynny|aỻan.
Os aỻtut a|watta mab kymraes. bonhedic kan+
hỽynaỽl yỽ hỽnnỽ o hynny aỻan. kanys ỽrth
vreint y vam y byd pob mab gỽedy gỽatter.
Tat a|digaỽn gỽadu y uab trannoeth gỽedy
diwycko y gyflauan drostaỽ os mynn. O|der+
uyd y dat rodi da yr meithryn y mab ny|dyly
y wadu wedy hynny. kanys trydyd kymeryat
arnaỽ yỽ. Ny digaỽn neb o|r y dygỽydho tir
y mab yn|y laỽ. y wadu yr y yrru o·honaỽ. ac
ny eiỻ braỽt wadu y|gilyd. ac ny eiỻ keuyn+
derỽ y wadu. yr y yrr* ohonaỽ. ac ny|dyly neb o|r
| « p 253 | p 255 » |