Rhydychen, Llsgr. Coleg yr Iesu 57 – tudalen 290
Llyfr Blegywryd
290
vyd priodaỽr ar orỽyr yr aỻtut. ac etiued hỽnnỽ
ar etiued gorỽyr yr aỻtut yn|dragywydaỽl. ac o
hynny aỻan ny dylyant vynet vyth y|r wlat
yd hoedynt* o·honei y ỽrth eu harglỽyd priodaỽr.
a ry goỻi ohonunt eu hamser y dylyynt vynet
pei as mynassynt. O deruyd. y vonhedic treftataỽc
mynet yng|gỽassanaeth mab uchelỽr. a|e vot
yspeit y·gyt ac ef a|e lad. ac ef ar wassanaeth
y mab uchelỽr. y mab uchelỽr a dyly teir|bu ke+
lein amdanaỽ. ac ereiỻ o|r|ỻyfreu a|dyweit dy+
lyu chỽe|bu kelein amdanaỽ. a hỽnnỽ a|dyly
mynet pan vynno y ỽrth y mab uchelỽr. dyeith+
yr adaỽ y|r mab uchelỽr yr hynn a|dylyo. ual
y dyweit ỻyuyr howel. a hỽnnỽ a elwir car ỻaỽ+
edraỽc. Sef yỽ car ỻaỽedraỽc dyn a|vo kargych+
wyn pan vynno. Sef yỽ ỻaỽedraỽc yn hen gym+
raec. tommaỽc. ac ỽrth hynny y gelwir ynteu
yn garr tommaỽc. O|deruyd. bot kyfreith y·rỽng deu+
dyn. a|bot kynghaỽs a|chanỻaỽ o bop parth
a pherchennogyon haỽl. a|holi o|r haỽlỽr ac
| « p 289 | p 291 » |