LlGC Llsgr. 3035 (Mostyn 116) – tudalen 106r
Brut y Brenhinoedd
106r
kany bo teilỽg gan yr yscymunedigyon saesson tỽyỻ+
wyr kadỽ fyd ỽrthyf|i miui a gatwaf fyd ỽrth duỽ. Ac
y·gyt a hyny o| e nerth ynteu a dialaf hediỽ waet vyg
kiỽdaỽtwyr arnadunt. Gỽisgỽch aỽch arueu wyr gỽis+
gỽch ac yn ỽraỽl kyrchỽn y bratwyr hyn. A heb petrus
gan ganhorthỽy crist ni a| oruydỽn.
A gỽedy dywedut o arthur hẏnẏ. dyfric archescob
kaer ỻion A sefis ar ben bryn goruchel a dywedut
val hyn a oruc A wyrda heb ef y| rei yssyd ar·derchaỽc
o gristonogaỽl fyd kyfodỽch. koffeỽch waet aỽch kiỽdaỽt+
wyr yr hỽn yssyd eỻygedic drỽy vrat y| paganyeit rac+
co. kanys tra·gywydaỽl waratwyd yỽ yỽch onyt ymro+
dỽch y amdiffyn aỽch gỽlat a| ch rydit Ac ỽrth hyny
ymledỽc* dros ych gỽlat. Ac o| r byd reit yỽch. diodefỽch
agheu drosti. kanys yr agheu hono a vyd budugol+
yaeth a buched y| r eneit. Pỽy bynac hediỽ a| el y ageu
ef e| hunan a ymryd yn wir aberth y duỽ. Y gỽr avu ̷
teilỽg gantaỽ rodi y eneit dros y vrodyr Ac ỽrth hyny
pỽy bynac ohonaỽch a lather yn yr ymlad hỽn. bit
yr ageu hono yn benyt idaỽ ac yn vadeueint o| e becho+
deu y·dan amot na|s gochelo o| r damweina y dyfot
A gỽedy kymrẏt bendith y gỽr hỽnỽ bryssyaỽ a oruc
paỽb y| wisgaỽ y harueu ymdanunt Ac vfydhau y
gymynediweu yr archescob Ac yna arthur a| wis+
gaỽd ymdanaỽ ỻuruc a oed teilỽg y vrenhin. penfes+
tin eureit yscythredic ac arỽyd dreic a adasỽyt o| e ben
Taryan a gymerth ar y yscỽyd yr hon a elwit gỽen yny
yr hon yd oed delỽ yr arglỽydes veir yn yskethredic
kanys ym|pop yg a| reit y galwei ef arnei ac y| koffaei.
ef a| rỽymỽyt a chaletuỽlch y gledyf goreu yr hỽn.
| « p 105v | p 106v » |