LlGC Llsgr. Peniarth 11 – tudalen 277v
Ystoriau Saint Greal
277v
y erchi idaỽ luydaỽ. Je heb·y gỽalchmei. ef a|dyly bot ar+
naỽ eissyeu y neb a ysgaelusso kyngor gỽyr da y|r tỽyỻỽr
ymanhyedỽr. Ar hynny yr|aethant ỽy ymeith y ỽrth y mar ̷+
chaỽc yn|drỽc ganthunt vot laỽnslot yng|karchar. ac na ̷
wnathoed eiryoet gỽeithret y dylyit y oganu o|e achaỽs.
Y ma y mae y kyuarwydyt yn tewi am walchmei a
meliot. ac yn traethu am vrenhin claỽdas. yr hỽnn
a|gasglaỽd ỻu maỽr drỽy gyngor briant y ryuelu ar arthur.
kanys ef a wydyat nat oed y·gyt ac ef yr ystor o vilwyr a no+
teynt vot. y·gyt a|hynny heuyt ef a|wydyat ual yd oed kỽ+
byl o|lys arthur. ac ual yr|oed yr|eidaỽ. ac am|hynny ef a
nessaaỽd ar gyuoeth arthur gyntaf ac y gaỻaỽd gỽedy
daruot idaỽ enniỻ brenhinyaeth Magdalans. Eissyoes
kỽbyl o|r alban a|oed etto yn|y erbyn. Y chwedleu a|doeth y
lys arthur ual hynny. a|dywedut idaỽ o·nyt anuonei nerth
udunt y roynt ỽy y wlat y vrenhin claỽdas. ac yd oedynt
yn gweidi ac yn ỻefein am laỽnslot. ac yn dywedut pei cas+
soedynt y kyfryỽ amdiffynnỽr ac oed laỽnslot arnunt
nat oed reit udunt ovyn neb ryỽ ormes. Arthur a|an+
uones briant yn vynych y geissyaỽ amdiffyn y wlat. ac
ny doeth ef dra|e|gevyn eiryoet onyt trỽy oruot arnaỽ. a
ỻad ỻawer o|e|wyr. Arthur a|oed a chyflỽr drỽc arnaỽ am
na wydyat pa vyt yr oed na gỽalchmei nac owein uab v+
ryen na neb o|r rei ereiỻ da. y rei a|notteynt vot yno. ~
| « p 277r | p 278r » |