LlGC Llsgr. Peniarth 15 – tudalen 18

an gwarthec an ẏchent* an greoed an deveit ac ev|bot oll ẏn|veirw ac ev

llẏgeit yn agoret ac ẏna kwynnvan ac vdaw a|gridvan a|orvc boẏa a|e wreic

a|e dẏlwẏth A|dẏwedvt ẏ|sant hoẏw y|bvam ni ẏn|ẏ wattwar a|wnaeth

hẏn Sef ẏ|kavssant hwẏ ẏn|ẏ kyngor gwediaw ẏ sant A|cheissaw y|vod

ef a|e dylwẏth ac ẏna y|rodes boya yn dragywẏdawl hodvant ẏ|dewi ac ẏm+

hoelvt adref a|orvc boẏa a|e dẏlwyth ẏgẏt ac ef A|phan devthant adref

wẏnt a|gavssant ẏ|hanẏveleit ẏn vyw ac yn ẏach ac yna y|dywat gwreic

boẏa wrth ẏ llaw·vorynyon ewch heb hi hẏt ar avon ẏsẏd gerllaw y

sant a|diosglwch awch dillat ac yn noeth dẏwedwch wrthvnt geirev aniweir

kẏwilẏdvs holl disgyblon dewi a|vv anawd gantvnt diodef ẏ|kẏwilẏd

hwnnw ac a|dẏwedassant wrth dewi fown odẏna ymeith heb wẏ nẏ|allwn

ni diodef hynn nac edrẏch ar ẏ|gwraged drwc ac ẏna ẏ|dẏwat ẏ sant ponyt

gwell yni peri vdvnt wẏ adaw ẏ|lle hwn yni ac yna dewi a|e disgẏblon

a|dẏrwestassant ẏ|nos honno hẏt trannoeth Trannoeth ẏ|dẏwat gwreic

boẏa wrth ẏ|lysverch tidi vorwẏn heb hi kyvot ac awn yn dwy ẏ|lyn

alvn ẏ|gẏissaw knev heb y|vorwẏn wrth ẏ|llẏsvam parawt wẏf|i heb

hi ẏ|vynet a|cherdet a|wnaethant hẏt y|gwaelawt ẏ|glẏn A|phan doe+

thant yno eiste a|orvc ẏ|llysvam a|dẏwedvt wrth ẏ|llẏsverch dyro dẏ benn

y|m harffet Mi a|dinaedaf* dẏ penn Sef a|orvc ẏ|vorwẏn da diweir|war rodi

ẏ|fen ẏn arffet ẏ|llẏsvam Sef a|orvc y|llẏsvam tẏnnv kyllell a|llad penn

y|voroẏn* santes ac ẏn|ẏ gẏfeir ẏ|dẏgwẏdawd ẏ|gwaet y|r llawr ẏd ymdan+

gosses fẏnnẏanwn* a|llawer o|dẏnẏon a|gauas yechẏt a|gwaret ẏno a|hyt

hediw ẏ|gelwir ẏ|ffẏnnyawn honno ffynnẏawn dvnawt kanẏs dvnawt

oed enw ẏ|vorwyn Yna y|ffoes ẏ|llysvam drwc ac ny wybv neb

o|r bẏt hwn pa|anglev* a|e dvc A boẏa a|dechreuawd drẏc·arvaethu

a dewi a|e disgẏblon a|lawenassant yna y|medẏlẏawd boẏa lad

davyd a|e disgẏblon ac Eissoes Sef ẏ|damwennawd* ẏ|borev trannaoeeth*

dyvot ẏ|elẏn hẏt ẏ|twr yd oed boẏa ẏndaw ẏn kẏsgv gwedẏ caffel ẏ|pyrth

yn agoret a|llad pen boẏa ẏn|ẏ welẏ ac yn diannot y|doeth tan o|r nef a

lloski yr holl adeiladev hyt ẏ|llawr Gwẏbẏdet pawb rẏ|lad o|r arglwẏd

dvw o|achaos* dewi boẏa a|satvrpa ẏ|wreic Odẏna yr adeilawd dewi y|glẏn

hodvant Ac nẏt oed ẏno dim dwfẏr onnẏt ẏchẏdic onnẏ* |dwfẏr redegawc

ac ẏna ẏ|gwediawd|dewi ar yr arglwyd ac yn diannot ẏ|kẏuodes ffẏnnawn

eglvr ac yn oes dewi ẏ|bv honno yn llawn o|win val na bv arnaw ẏn|ẏ

oes ef eissev gwin da llẏna rod teilwng ẏ|gan dvw y|rẏw wr hwnnw

Yn ol hẏnẏ gwesllan escop brawt fẏd ẏ|dewi a disgybyl ẏ|dewi a elwit Eli+

vd Ell|dev a|dyrwestassant ẏ|geissaw y|gan dvw ffẏnnhonnev o|dwfyr kro+

ew kanyt oed dim ẏn|ẏ dinas o|dwfyr rac sẏchet yr amser hwnnw ac