LlGC Llsgr. Peniarth 18 – tudalen 28r
Brut y Tywysogion
28r
heraỽdyr yr almaen ygyt ac ef. a|diruaỽr luoessyd* o
Jeirll a barỽneit a|thyỽyssogyon gyt ac ỽynt a|chroes
y|garussalem. yn|y ulỽydyn honno y kyffroes cadell
ap Gruffud a|e vrodyr nyt amgen Maredud ap rys
a|gỽilim ap geralt a|e vrodyr gyt ac wynt lu am ben
castell gỽis. A|gỽedy Anobeithaỽ onadunt yn|y nerth+
oed e|hunein galỽ hoỽel ap yỽein a|orugant yn borth ud+
unt. kanys gobeithaỽ yd oedynt o|e deỽr|leỽ luossogr+
ỽyd ef parotaf y ymladeu a|e doethaf gyghor gaffa+
el onadunt y uudugolyaeth. A|hoỽel megys yd oed
whannaỽc yn wastat y clot a gogonyant a beris ky+
nullaỽ llu. a|gỽedy kynullaỽ y llu gleỽhaf a|pharotaf
yn anryded y|harglỽyd. kymryt hynt a|oruc tu ar
dyỽededic castell gỽis. a|gỽedy y|aruoll yn anrydedus
ar dywededic varỽneit yno pebyllaỽ a|oruc a|holl ne+
gesseu y ryuel a|ỽneit o|e gyghor ef a|e dachymic*. ac
uelly y|doeth paỽb o|r a|oed yno y oruchel ogonyant
a budugolyaeth drỽy oruot ar y castell o|e gyghor ef
gan diruaỽr ymrysson ac ymlad. ac odyno yd ymho+
elaỽd hyỽel yn vudugaỽl drachefen. Ny bu bell wedy
hynny. hyny vu deruysc rỽg howel a chynan Mei+
bon yỽein a|chatỽaladyr y eỽythyr. Ac odyna yd ae+
th hoỽel o|r neilltu. a|chynan o|r tu arall hyt yme+
irionnyd a galu a|ỽnaethant y laỽ gỽyr y|wlat a
giliassynt y|noduaeu eglỽysseu gan gadỽ ac|ỽynt
y nodyeu ac anryded yr eglỽys. ac odyna keỽeiraỽ
| « p 27v | p 28v » |