LlGC Llsgr. Peniarth 190 – tudalen 233
Penityas
233
ỽyaỽl. a chanhorthỽyet ef y neb a vo
yn kyffessu gan wediaỽ drostaỽ. a hyn+
ny yn glaear a chan y didanu. ac
a|daỽ gobeith idaỽ. ac o|r byd reit gan
y angreifftyaỽ. Doluryet ef gan
ymadraỽd. dysget gan weithredu.
a bit gyfrannaỽc ar y dolur yr hỽnn
a vynn bot yn gyfrannaỽc ar y lew+
enyd. a dysget idaỽ parhau yng|gỽe+
ithredoed da. kanys para a haed co+
ron. Mal y dyweit matheus ebostol
yn|yr euengyl. y neb a barhao hyt
y diwed. hỽnnỽ a iacheir. a|r kymene+
diweu hynn a|dynnant y pechadur
y gyffessu y bechodeu. y kyssulywr a
dyly bot yn velys ymadraỽd. prud a
hynaỽs. dosparthus. gỽar. araf. hy+
gar. a|r gyffes a|dyly bot yn araf u+
vud. pur. a|fydlaỽn. a mynych. noeth
a|dosparth·us. a ỻawen. a chewilydyus.
| « p 232 | p 234 » |