LlGC Llsgr. Peniarth 35 – tudalen 105r
Llyfr Iorwerth
105r
e| hun. Kymeint yỽ gwerth y baed; A
their o|r moch.
Oen o|r nos y ganer hyt kalan ga+
lan gayaf. keinaỽc. yỽ y werth. O kalan
gayaf hyt ym penn y ulỽydyn. dỽy. keinaỽc. ~
Ac o hynny allan pedeir. keinaỽc. Teithi
dauat blith ac oen a|e goruot. hyt ka+
lan mei. rac yr anuat yny gaffo y
their gwala o|r tauol newyd. Am y the+
thi. teir. keinaỽc. Neu dauat hesp. Dỽy am
y blith. ac un am y hon*. y llyg·at a|e
chlust a|e llosgỽrn. keinaỽc. am pob un o·na+
dunt. [ y maharen. Teir dauat yỽ y
werth. un ar y corff. ac un ar pob ke+
Myn o|r pan anher [ ill iddaỽ. ~ ~
hyt kalan gayaf. keinaỽc. a| tal. O hyn+
ny hyt ym pen y ulỽydyn. dỽy. keinaỽc. a| tal
ac o hynny allan. pedeir. keinaỽc. kyfreith. y han+
her| gwerth yỽ y theithi. Teithi eỽyrnyc
keinaỽc a| dimei. Pob anyueil glan
y hanner gwerth yỽ y teithi. Pob any+
ueil budyr. y trayangwerth.
Gwerth gỽyd. keinaỽc. kyfreith. Gwerth ke+
ilagỽyd. kymeint a gwerth dỽy
ỽyd. Gwerth gỽyd. kymeint a gwerth
y nyth. Sef a dyly bot yn| y nyth. pedwar
kyỽ ar| ugeint.
| « p 104v | p 105v » |