LlGC Llsgr. Peniarth 35 – tudalen 46r
Llyfr Iorwerth
46r
nỽ o|e etiued yn waettir udunt gỽe+
dy hynny. [ y kyfreith. a| dyweit nat gwa+
et tir yr un namyn a| taler yn kyf+
reithaỽl gwedy na bo dim ar helỽ
y llofrud a talo. kyfreith. paladyr nac am
dim arall. Ac a uarn na dylyir llad
un dyn namyn y llofrud ny wnel y
cỽbyl. Ar tir hỽnnỽ a dylyit y rannu
yr rydunt ual y dylyit rannu yr alanas.
Pỽy| bynhac a| diodefo mỽynhau y
tir un dyd a blỽydyn. heb tỽrỽf
heb einiwet ac yn kywlat ac ef;
ac eiste arnaỽ. y kyfreith. a| dyweit na dy+
ly hỽnnỽ atteb o|r tir gỽedy hynny
namyn y bot yn haỽl tra blỽydyn. ~ ~
Sef yỽ tỽrỽf ac einiwet llosgi tei
a| thori ereidyr. Pỽy| bynhac bieiffo
tir yg glan traeth. Ef bieiuyd ky+
ulet ar tir o|r traeth a gỽnaet koret
os myn. Eith* o bỽrỽ y mor petheu yr
tir neu yr traeth. y brenhin bieuyd
hỽnnỽ Canys pynuarch y brenhin
yỽ y mor. Tri thlỽs kenedyl y gel+
wir. melin. a choret. A pherllan. Ar
tri hynny ny dylyir eu rannu nac eu
kychwynnu namyn rannu eu ffrỽ+
| « p 45v | p 46v » |