LlGC Llsgr. Peniarth 35 – tudalen 8r
Llyfr Cynog
8r
ui y doeth yr anghỽbyl. Cỽbyl aeth y gen+
hyf ui attat ti a gwercheitwat uuosti
arnaỽ. Ar peth a| g·ollo y|th cadỽ di ac
y|th warchadỽ o|th cam ac o|th anteithi
Mi a| dodaf ar y kyfreith. A dylyaf ui uot yn
colledic o·honaỽ Cany bum wercheitwat
arnaỽ. Ac yna y mae teruyn ar y gyngha+
ỽssed. Ac yn| y braỽt·lyuyr. y mae y uraỽt
a dylyir am y gynghaỽssed honn. ~ ~ ~ ~ ~ ~ ~
Llyma gynghaỽssed arall; Pỽy| bynhac
a| wertho cassec y arall. A mach yr neb
a|e gwertho y| gan y neb a|e prynho. Ar
chweugeint os ebaỽl a uei idi. Ac ar tru+
geint os eboles a uei idi. A moi o|r cassec
ar ebaỽl ac eboles. y gỽr a wertho y cas+
sec a uyd haỽlỽr ar y neb a|e prynaỽd. Sef
ual y haỽl. Mi a| dylyaf yti chweugeint
os ebaỽl a uei yr cassec a| wertheis i ti ac
ebaỽl a uu idi hitheu. A chan bu ebaỽl idi
a mach y minheu ar chweugeint o bei.
A mach seuydlaỽl* o|e pleit e| hun ac yn ad+
deuedic o bob parth. Mi a dodaf ar y kyfreith.
a dylyy titheu y talu ymi chweugeint.
Attep yr amdiffynnỽr yỽ. Ti a| werth+
eist ymi cassec gyueb ac os eboles
| « p 7v | p 8v » |