LlGC Llsgr. Peniarth 36A – tudalen 36v
Llyfr Blegywryd
36v
ac ony dichaỽn ef wneuthur cỽbyl wassa ̷+
naeth dros y tir hỽnnỽ; trigyet y tir yr
brenhin hyny allo hỽnnỽ y wassanaethu
Or gofyn dyn tir o ach ac etryt. ny dyly ̷+
ir y warandaỽ hyny tygho henuryeit gỽ ̷+
lat y hanuot or welygord a gynhalyo y
tir. Pỽy bynhac a gynhalyo tir an·dylyet
idaỽ yn vn gymhỽt neu yn vn gantref
ar rei ay dylyho trỽy teir oes ryeni o
pob parth yn tagnefedus heb gyffroi haỽl
ymdana* yn llys heb losci ty heb torri ara ̷+
dyr o eisseu kyfreith. ny dyly ỽrtheb y rei
hynny o·honaỽ ef gỽedy y teir oes
kanys kayedic yỽ kyfreith y·rydunt.
Y neb a odefho rodi tref y tat y arall yn| y
ỽyd yn tagnefedus heb wahard heb erbyn
dywedut. kyt as gofynho; ny werende+
wir yn| y oes o gyfreith. y etiuedyon ha+
gen ae keiff os gofynnant yn gyfreith+
aỽl. Ny chae kyfreith rỽg brenhin. ae
tir dylyet yn llei yspeit no chan mly+
ned. Gỽedy y bo ran oefedic* rỽg kyt eti ̷+
| « p 36r | p 37r » |