LlGC Llsgr. Peniarth 36B – tudalen 39
Llyfr Blegywryd
39
a chynnogyn. o glybot corn y|bre ̷+
nhin yn mynet yn lluyd. Ac o
haỽl treis. ac o haỽl letrat.
Teir mefyl·ỽryaeth mach yssyd
gỽadu y vechni ac ef yn vach.
ac adef y vechniaeth ac na allo
y chymell. a diebryt mach gỽedy
rother. Mach a dyly dỽyn gafel
gyt ar haỽlỽr hyt yn diogel. neu
talet e hunan. Na chymeret
gafel y talaỽdyr onyt y|mach a
dyry. Kyt el y mach dros talu
na thalet hyny pallo y talaỽdyr.
ny byd palledic y talaỽdyr tra
safho ỽrth gyfreith. kyny bo
idaỽ namyn tri thudedyn. ef
a dyly talu y deu a chynhal y
trydyd ympob amser. Mach
a watto y vechni gỽadet ar y
seithuet or dynnyon nessaf y
| « p 38 | p 40 » |