LlGC Llsgr. Peniarth 38 – tudalen 39v
Llyfr Blegywryd
39v
aỽc ac o|ffrỽynher march gyntaf. ac ar ebaỽl
ymdifuat. a|phedeir keinhaỽc y|r gỽastrotyon. ac
arall yn asỽrch. ac ascỽrn tỽn vch creuan. a heit
ar gagen. a|chostaỽc tom. N·y dyly vot kyn ̷+
hen ar leidyr a|berthyno y|ỽerthu hyny vo ~
manac arnaỽ yn gyntaf trỽy tỽg yn tri lle
megys y|mae yn lle arall. Ny|dyly vot reith
ar leidyr kyssỽyn. hyny vo manac arnaỽ yn
llys yn gyntaf. ~ ~ ~ ~ ~
G ỽerth ebaỽl o|r pan anher hyt aỽst; ped ̷ ̷+
eir keinhaỽc. kyfreith. hyt galan racuyr; deudec. a.
hyt galan ỽhefraỽr; deu·naỽ. hyt galan mei;
pedeir ar|hugeint. hyt aỽst; dec ar|hugeint.
hyt galan racuyr; vn ar|pymthec ar|hugeint.
hyt galan ỽhefraỽr; dỽy a deu vgeint. hyt gal ̷+
an mei; ỽyth a deu vgeint. hyt aỽst; trugeint
a|tal. kanys deudec keinhaỽc a|drycheiff arnaỽ
yna. a|deudec hefyt pop tymhor hyt galan m ̷ ̷+
ei. ac yna teir blỽyd vyd. ac vn ar|pymthec a ̷
phetỽar vgeint a|tal. ac yna y dylyir y dala. a
| « p 39r | p 40r » |