LlGC Llsgr. Peniarth 45 – tudalen 62
Brut y Brenhinoedd
62
dit y gantunt. A menegi y ulkassar nat
herwyd keithiwet y dylyei adolỽyn ud+
unt. Namyn herwyd kerennyd Canys
o un llin pan hanhoedynt Canys rydit
a ordyfnyssynt ac nyt keithiwet. Ar ry+
dit pei as keissei y dỽyeu y dỽyn y gant+
tunt y llauurynt wynteu yn|y ueint
y gellynt yỽ amdiffyn. Ac ỽrth hynny
menegi y ulkassar eu bot wynteu yn
paraỽt y ymlad dros y gỽlat a|e rydit
a|e teyrnas Os ef a|geissei dyuot ynys
prydein megys y gogyuadawei. ~ ~
AC gwedy datcanu y llythyr hỽnnỽ y ulkassar
kynnullaỽ llyghes a oruc ynteu ỽrth
dỽyn ar weithret yr ymadraỽd a anuonas+
sei at caswallaỽn. Ac gwedy caffel gwynt
yn|y hol. dyrchauel hỽyleu a dyuot aber
temys yr tir. Ac y doeth caswallaỽn a holl
gedernyt ynys. prydein. gantaỽ yn eu herbyn.
ieirll a|barỽneit a marchogyon urdaỽl. ~ ~
Sef y|caỽssant yn eu kyghor kyrchu ulkas+
sar yn|y pebylleu kyn caffel ohonaỽ dyuot
yr wlat Can tebygynt uot yn anhaỽs
y ỽrthlad wedy caffei dinassoed neu kes+
tyll. Ac gỽedy bydinaỽ kyrchu gwyr ruuein.
| « p 61 | p 63 » |