LlGC Llsgr. Peniarth 46 – tudalen 178
Brut y Brenhinoedd
178
a mercurius yn duỽ ni yn tyỽyssaỽ. a|ph ̷ ̷+
ann gigleu y brenhin. kyrbỽyll mercurius
gouyn a oruc y brenhin. pa|ryỽ gret oed gan+
tunt. arglỽyd hep ef yn tatolyon dỽyeu
ni yỽ saturnus. a iubiter. ac dỽyeu ereill ys+
syd yn llyỽaỽ y byt. ac yn bennaf mer+
curius yr hỽnn a|elỽir yn an ieith ni uo ̷+
gen. ac y hỽnnỽ y|parthỽys yn ryeni y
petỽarydyd o|r ỽythnos. ac a|alỽn ni o|e
enỽ ef vogenes. ac yg|kymraec y|gelỽir
dyỽ merchyr. ac yn nessaf idaỽ yd anry+
dedỽn ni y|dỽyes a|elỽir effream. ac y
honno y|kyssegrỽys yn ryeni ni y|chỽet+
tyd o|r ỽythnos. ac yn an ieith ni y|gelỽ+
ir ffridei. ac yg|kymraec dyỽ gỽener. ac
yna y|dyỽat gortheyrn. am ych cret yr
honn ysyd iaỽnch* y|galỽ yn agret noc yn
gret. a doluryus yỽ gennyf|i hynny. lla+
ỽnen yỽ hagen gennyf ych dyuodedigaeth
canys reit yỽ ym ỽrthyỽch. na duỽ a|ch
dycco yma na pheth arall. Canys uy gel ̷ ̷+
| « p 177 | p 179 » |