LlGC Llsgr. Peniarth 46 – tudalen 196
Brut y Brenhinoedd
196
ti a|mi·ui. Canys dyn tyghetuennaỽl
ỽyt ti het* dat idaỽ. a|minheu a henỽyf
o urenhinaỽl lin o bleit mam a|that.
a|phann gigleu y kennadeu hynny.
Edrych a|ỽnaethant ar|uyrdyn. a go ̷ ̷+
uyn y|r dynyon yn|y kylch pỽy oed y
gỽas. ac ỽynteu a dyỽedassant na ỽyd ̷ ̷+
ynt hỽy pỽy oed y|dat ef. y uam ynteu
yssyd uerch y|urenhin dyuet. ac ynn|y
tref yma y|mae y uam yn uynaches
ym plith y|manacheseu yn eglỽys peder.
A C yn|y lle kychỽyn a|ỽnaeth y|ken+
nadeu ar constabyl y|dinas ac er+
chi idaỽ o bleit y brenhin. anuon myrdin a|e uam
at y|brenhin. y ỽneuthur y eỽyllys ohonunt.
a|gỽedy y|dyuot ger bronn y|brenhin.
y|haruoll yn anrydedus a|oruc ef y|uam
uyrdin. Cann hanoed o|lin brenhined.
ac odyna gouyn a|oruc idi pỽy oed
dat y|map. ac y|dyỽat hi. arglỽyd urenhin.
hep hi. nyt adnabuum i ỽr eiroet
| « p 195 | p 197 » |