LlGC Llsgr. Peniarth 46 – tudalen 226
Brut y Brenhinoedd
226
o hoedel caffel un dyd y ymgyuaruot
a|hengist mal y syrthei y neill o·honam
gann y|gilyd. Canys cof yỽ gennyf|i y
urat a|ỽnaeth y|dyd y|doetham ygyt
ar uessur tagnheued ac ỽynt. a|thra
yttoedit yn traethu. y|tagnheued hon+
no y brattaỽys ef y|niuer hỽnnỽ. ac
y lladassant a|r kyllyll hiryon. Tri uge+
in ỽyr. a phetỽar cann ỽr. O ieirll. a bar+
ỽneit. a marchogyon urdolyon hep
dianc un namyn my|hun a|geueis
trossaỽc kadarnn. ac a hỽnnỽ yd ym+
differeis. ac y deuthum yn uyỽ y ỽrth+
unt. a|thra yttoed eidol yn dyỽedut
hynny yd oed emreis yn annoc y lu.
ac yn dodi y obeith yn duỽ. ac yna
kyrchu y elynyon yn|ỽychyr. ac ym ̷+
lad dros eu tat gỽlat a|thref y|tat. c* o|r
parth arall yd oed hengist yn dysgu
y lu ynteu. ac yn kerdet o uydin y
gilyd ynn y|hannoc. ac odyna ym ̷+
| « p 225 | p 227 » |