LlGC Llsgr. Peniarth 46 – tudalen 304
Brut y Brenhinoedd
304
ynteu neur daroed idaỽ dyrchauel y|fonn
a|tharaỽ taryan arthur yny glyỽit y|dyrnaỽt
yn seinaỽ dros yr holl traetheu. ac ny py+
lỽys clusteu arthur gann sein ẏ|dyrnaỽt. ac
yna ennynnu a|oruc arthur o|flemychedic|lit
adyruauel a|dychauel* caletuỽlch a|e taraỽ dyrnnaỽt
yn|y dal yny oed y|gỽaet ar hyt y|ỽyneb yn
hydyr. ac yn tyỽyllu drem y|lygeit. Sef a
oruc ynteu megys baed coet yn kyrchu|yr
helỽr ar hyt yr hychỽayỽ kyrchu arthur ar
hyt y cledyf ac ymauel ac ef a|e gymell
yny uu y glunyeu ar y|dayar. ac eissoes ca+
el o arthur yn gouaỽdyr llithraỽ y|gantaỽ
a|throi y gledyf yn|y gylch yny gauas o|e
holl nerthoed gossot yg|gỽarthaf y|penn
hyt yr emennyd. a|syrthaỽ a|ỽnaeth yn+
teu megys derỽen uaỽr pann syrthei
gann ỽynt maỽr o|e gỽreid gan diruaỽr|tỽryf
a|chỽerthin a|oruc arthur. ac erchi y uedỽyr.
lad y|benn a|e rodi at yr ysỽeineit y|dỽyn yn
anryuedaỽt y|blith y|llu. ac yna y|dyỽat
arthur na|r gaỽssei ef eiroet yr eil kynn
| « p 303 | p 305 » |