LlGC Llsgr. Peniarth 46 – tudalen 38
Brut y Brenhinoedd
38
aỽdyr a hỽnnỽ. a gỽedy daruot y|vrutus
adeilat y dinas a|dyỽetpỽyt vchot.
gossot kyỽdaỽdỽyr a oruc yndaỽ. a rodi
kyureitheu vdunt trỽy y|rei y|gellynt
buchedockau rac llaỽ. ac yn|yr amsser
hỽnnỽ yd oed heli offeirat ym blaen po+
byl yr ysrael yg gỽlat iudea. ac yd oed a
arch ystauen yg|keithiỽet gann y|philis+
teit. ac yd oedynt yn gỽledychu tro.
meibon hechtor gỽedy yr dehol meibon
anthenor ymdeith ohonei. ac yn|yr ei+
dal siluius eneas yn trydyd brenhin. gỽedy
eneas eỽythyr y vrutus vraỽt y dat.
A c yna gỽedy adeilat y|dinas kys+
gu a|ỽnaeth brutus gann y|ỽreic
a thri meib a|anet idaỽ. Sef oe* eu henỽeu.
locrinus. kamber. albanctus. ac ympenn y
betỽared vlỽydyn ar|hugeint gỽedy y|dy+
uodedigaeth y|r|ynys honn y|bu varỽ ac
y|cladỽyt yn|y gaer a|adeilỽys e|hun yn
anrydedus.
| « p 37 | p 39 » |