LlGC Llsgr. Peniarth 46 – tudalen 47
Brut y Brenhinoedd
47
hỽnnỽ yd oed capis siluius yn vrenhin
yn|yr eifft. ac aggeus ac amos a Joel.
ac azarias yn proffỽydi yn|yr israel. ~
A gỽedy marỽ run y|doeth bleidud
y|vab yntev yn vrenhin. ac y|bu v+
gein mlyned yn gỽledychu. a|r gỽr hỽnnỽ
a adeilỽys caervadon; ac a|ỽnaeth yno
yr enneint tỽymyn yn aruer cleifuon.
a|r gỽeithret hỽnnỽ yn anryded y|r dỽy+
es a|elỽit Minerua. ac a|ossodes tan y
danaỽ heb diffodi byth. a|r amser hỽnnỽ
y gỽediỽys elias profỽyt hyt na delei
laỽ. ac y bu hep dyuot chỽe mis. a their
blyned yg gỽlat caerussalem. a|r blei+
dud hỽnnỽ a|dysgỽys nygromans yn
gynntaf yn|yr ynys honn eiroet. ac ny
pheidỽys a|e geluydodeu yny ỽnaeth a+
daned idaỽ e|hun. a phroui ehedec. ac
yn hynny y syrthỽys ar temyl appollo
yn llundein. ac y|dryllyỽys oll yn dryllev
ac yno y cladỽyt. Ac yna gỽedy ma ̷+
| « p 46 | p 48 » |