LlGC Llsgr. Peniarth 47 rhan i – tudalen 12
Ystoria Dared
12
bryt rac holl ỽraged y|byt. a diỽeir oed. ac
ehalaeth annỽyt. a morỽyn ỽyryf hep
vot gỽr idi eiroet.
A C odyna y|doeth y|groegusson hyt
yn dinas athenas a|llyges gann+
tunt. nyt amgen ỽyth tyỽyssaỽc
a deugeint. a dec llog ar|hugeint a chant
a mil o|longeu gantunt. Gỽybot henỽeu
y|gỽyr na riuedi y|gnifer llog a duc pob
un ohonunt ny ỽelir y|vot yn reit rac
blinder. a|gỽedy dyuot onadunt y|athe+
nas. a·gamemnon a|elỽis y|tyỽyssogyon
yg|kygor. a chanmaỽl ac annoc a|oruc ef
dial eu sarhaedeu yn gyntaf. a|oruc ef.
a|ryghei bod y baỽp hynny. ac annoc a or+
uc ef kynn hỽylaỽ y|llogeu mynet hyt
ynys delphos y|ymgygor a|geudỽyeu a|oed
yno. a elỽit apollo. am bop peth o|r a|ỽnelynt
racllaỽ. a chytsynnyaỽ a|oruc paỽb ac ef
am hynny. Yn|y blaen yr aeth ychel·arỽ.
Priaf gartref a|baratoes muroed. ac a
annoges o gadarnuryt ỽneuthur am ̷
| « p 11 | p 13 » |