LlB Llsgr. Ychwanegol 14,912 – tudalen 67r
Meddyginiaethau
67r
y·mhelic a lwnage a fenigyl yn fest a|bỽrỽ
myỽn enneint a˄c yno porther y claf yn yr en ̷+
neint a bỽydeu da. bara a|chic yar a phyper
neu gic mynn a phan ddel o|r enneint irei*
ef ỽrth y tan a mỽstard ỽrth ẏ ẏstlysseu
ac aet vnỽeith beunydd veỻy y|r enne ̷+
int hyt ym penn y ỽythnos.
Eli rac y mann. briỽ yr erỻyriat a l
crist a deil yr ysgaỽ ac a·grimoyn
caỻ idaỽ a philago a|r syui a phion a|gor+
pin gyd ac emenyn heb halen a gỽne ̷+
ler diaỽt y|r claf o|r vn rei hynny na ̷+
myn o|r phion a|r orpin.
Eli gỽaew berỽ ỽynn a·valeu koet my ̷+
ỽn gỽin yny dreulo y|gỽin oỻ a|chymysc
hỽnnỽ a reising* gyt a|chỽyr glan a|blo+
nec hen a mel a|berỽ ygyt a hi
lan ac ir y gỽayỽ pan uynnych.
| « p 66v | p 67v » |