Llsgr. Bodorgan – tudalen 130
Llyfr Cyfnerth
130
waet a heb gleis; rodet y lỽ e| hunan yn erbyn
geir y llall. Os sarhaet dyn o vot arall gan
y wreic a wedir; llỽ deg wyr a deugeint a geiff.
Pop gỽat cỽbyl o tỽg a reith yssyd digaỽn yr
neb a watto kyny bo gỽir hagen. kany dicha+
ỽn gỽir a chyfreith kyt gerdet ym pop lle.
kyt kytgerdont yn llawer lle.
Pỽy bynhac a uynho dala lledrat. doet uch
y pen y peth a dalyo. A gofynnet pỽy
a wercheidỽ hỽn. Ony byd ae gỽarchattwo. kym+
eret ganhat y| gymryt yr eidaỽ. Ac aet fford ar
yr ygnat. Ac val y manacco ef. kymeret ef a
damdyget. O deruyd y dyn dala yr eidaỽ. A dyfot
gỽercheitwat a ỽrtheppo idaỽ. Gofynnet ynteu
pỽy a wercheidỽ hỽn. Jaỽn yỽ yr gỽercheitwat
dywedut. Mi ae gỽercheidỽ. Ac yna dywedet yr
haỽlỽr. kam a wney ti warchadỽ y meu i. Ac yna
dywedet yr amdiffynnỽr. cỽbyl wat yỽ genhyf| i
nat oes genhyf o|r teu di nac ym gỽarchadỽ i.
Ac ygyt ac nat oes Mi a dodaf ar y gyfreith y dy+
ly y ti enwi. beth a|th wahanỽys ti a|th da. A phy
amser y colleisti dy da. A phy ỽyl yn yr amser.
A phy ỽythnos yn| y mis. A phy dyd yn| yr ỽyth
| « p 129 | p 131 » |