Llsgr. Bodorgan – tudalen 20
Llyfr Cyfnerth
20
ae deu vyrryat. Teir punt yỽ gỽerth pop
vn o|r teir gỽeli hyn.
D·ylyet y trullyat yỽ kaffel lloneit y
llestri y gollofyer ac ỽynt yn|y llys o|r cỽrỽf
ac eu hanher o|r bragaỽt. Ac eu trayan o|r
Medyd a geiff ran gỽr o aryant y [ med.
westua. A thrayan y cỽyr a diotter o|r gerỽ+
yn ved. kanys y deu·parth a rennir yn
teir ran. y dỽy ran yr neuad. ar tryded yr
ystauell. Canhỽyllyd a geiff ran gỽr o ar+
yant y gỽestuaeu. A gỽedill y canhỽylleu.
Coc bieu crỽyn y deueit ar geifyr ar ỽyn
ar mynneu. ar lloi ac amyscar pop llỽdyn
a lather yn| y gegin. eithyr y calloneu a a
yr hebogyd. Ar cledyf bisweil ar refyr a a
yr porthaỽr. Y Coc bieu y gỽer ar yscei o|r ge+
gin eithyr gỽer yr eidon a vo teir·nos ar wa+
thec y maerty. A ran gỽr o aryant y westua
G·ostegỽr a geiff pedeir keinhaỽc o pop cam+
lỽrỽ a dirỽy a goller am anostec yn| y llys.
Pan symutter maer bisweil; trugeint a ge+
iff y gostegỽr y gan y neb a dotter yn| y le.
kanys ef bieu y llys kadỽ. hyny dotter ar
Troedaỽc bieu eisted dan traet y brenhin.
| « p 19 | p 21 » |