LlB Llsgr. Cotton Cleopatra A XIV – tudalen 99v
Llyfr Cyfnerth
99v
or kollir trỽy greulonder trayan y alanas
a| telir ymdanaỽ. Trydyd yỽ guedy el en ̷+
eit yndaỽ or collir trỽy greulonder cỽbyl
oe alanas a telir ymdanaỽ.
O Teir ford y dygir mab y tat. Vn yỽ
gureic llỽyn a| pherth or byd beicha+
ỽc pan uo ar y llaỽuaeth. dyget y pherig+
laỽr attei a| thyget ỽrthaỽ. Escor neidyr
imi y ar y beichogi hỽn. os creỽys tat gan
vam namyn y| gỽr y dygaf idaỽ. Ae enwi.
Ac y·uelly kyfreithaỽl y dỽc. Eil yỽ penke+
nedyl a seith laỽ kenedyl gantaỽ bieu y
dỽyn. Trydyd yỽ ony byd penkenedyl.
llỽ deg wyr a deugeint oe chenedyl a dỽc.
O Teir ford y| diwedir mab. kymryt
y mab or gỽr y dywedit y uot yn
vab idaỽ ae dodi y·rydaỽ ar allaỽr a dodet
y laỽ asseu ar pen y mab ar llaỽ deheu ar
yr allaỽr ar creireu a| thyget nas creỽys
ef ac nat oes dauyn oe waet yndaỽ. Eil
yỽ ony byd y tat. penkenedyl bieu y di+
| « p 99r | p 100r » |