LlB Llsgr. Cotton Titus D IX – tudalen 67v
Llyfr Blegywryd
67v
yr|y|dygỽydaỽ yg|gwallaỽgeir. hyny dygỽ ̷+
ydho teir gỽeith. Y neb a|talho kynnassed ̷
o|tir. ny|thal hỽnnỽ ebediỽ pan vo marỽ.
O|R byd tir rỽg gwelygord heb rannv.
kynn bỽynt marỽ oll namyn vn. yr vn
hỽnnỽ a|geiff y|tir kyffredin oll. ac ony
dichaun ef wnneuthur cỽbyl wassanna+
eth dros y|tir hỽnnỽ. trygyet y|tir y|r
brenhin hyny allo hỽnnỽ y|wassannaethu.
O|R gouyn dyn tir trỽy ach ac eturyt.
ny dylyir y|waranndaỽ hyny tygho hen+
uryeit gỽlat y|hanuot o|r welygord. a
gynnhalyo y|tir. Pỽy|bynnac a|gynha+
lyo tir anneledaỽc idaỽ yn vn gymỽt
neu yn vn gantref a|r rei a|e|dylyho tr+
ỽy teir oes reeni o|bop parth yn|tagneue+
dus heb gyffro haỽl ym·danaỽ yn|y|llys.
heb losc ty. heb|torr aradyr. o eisseu kyfreith
ny dyly gỽrtheb y|rei hynny ohonaỽ
wedy teir oes. kannys cayedic yỽ kyfreith
yrydunt. Y neb a|odefuo rodi|tref y|tat
neu y|vam y arall yn|y wyd yn|tagneue+
dus heb wahard heb erbyndyỽedut. kyt
as|gouynno. ny werendeỽir yn|y oes o|gyfreith.
Y etiuedyonn hagen a|e keiff os gouyn+
ant y* gyurei thaỽl. Ny chae kyfreith
| « p 67r | p 68r » |