Llsgr. Caerdydd 1.363 (Hafod 2) – tudalen 144r
Brut y Brenhinoedd
144r
eng kaer wudey. Ac eno annoc a orvgant
y dyfryc archescop kaer llyon ỽrdaỽ ar+
thỽr y ỽap enteỽ en ỽrenyn. Ac eỽ hangen
wynteỽ a kymhelley henny. kanys pan k+
lywssant e saysson er racdywededyc angheỽ
e brenyn wuchot wynt a ellynghassant ev
kennadeỽ hyt en Germany ac odyno Gwah+
aỽd eỽ kywdaỽtwyr a cholgrym en tewys+
saỽc arnadỽnt. ac goreskyn a daroed ỽdvnt
holl ran er enys o aỽon hỽmyr hyt em mor
katneys en|e gogled. Ac gwedy gwelet o
dyfryc archescop trweny ac ymdyỽedy e
pobyl ar wlat ef a kymyrth escyp y gyt ac ef
ac a dodes coron e teyrnas am pen arthvr.
Ac en er amser hỽnnỽ pymthec mlwyd oed
arthỽr. Gwas jeuanc ny ry klywssyt ar ar+
all eyryoet y deỽodeỽ o deỽred a haylder.
y daỽ ef heỽyt ed enyllassey e daony anny+
anaỽl oed endaỽ e ỽeynt rat honno hyt pan
oed karedyc y gan er|holl pobloed hayach
o|r a|e gwelhey neỽ a klywey. Ac wrth henny
| « p 143v | p 144v » |