Llsgr. Caerdydd 1.363 (Hafod 2) – tudalen 207v
Brut y Brenhinoedd
207v
katwaladyr y teyrnas gwedy ry peydyav
e vall ar trveny ar ry|vassey endy. dyvot at
alan a orvc a cheyssyav porth y kanthav y ke+
yssyav kynydv y kyvoeth ydav trachevyn.
Ac gwedy adav o alan ydav henny. hyt tra
ed oedyt en paratoy y llynghes ef a deỽth attav
enghylyaỽl lef y gan dyw y erchy ydaỽ pey+
dyaw ar darpar ed oed en mynnv y gwnevth+
vr. kanys ny mynney dyw gwledychv o|r br+
ytanyeyt en er enys a vey hwy hyt pan delhey
er amser tynghetvenavl a proffwydassey ver+
dyn y arthvr. Ac y gyt a henny e|llef dwywavl
hvnnỽ a erchys ydav mynet hyt en rvueyn at
sergyvs pab. a phan darffey ydav kvplav y pe+
nyt ef ar ryvyt yr·rwng er rey gwynvydedyc. Ac
a dywedey trwy evyrllyt y ffyd ef e keffynt e bryta+
nyeyt o|r dywed er enys. pan delhey er amser tyngh+
etvenavl hvnnv. Ac ny bydey kynt hagen henny no+
get pan keffynt wy y eskyrn ef o rvueyn ac ev
dwyn hyt en enys prydeyn. A henny o|r dywed vyd
pan dangosser eskyrn e seynt ereyll a kwdywyt
| « p 207r | p 208r » |