Llsgr. Caerdydd 1.363 (Hafod 2) – tudalen 86r
Brut y Brenhinoedd
86r
llav try vgeyn myl a dwyn henny holl hyt eg kaer
lỽndeyn. Ac y gyt a|henny o pob porthva ed erchys
dwyn llongheỽ en er rey e gellyt anvon e moryn+
nyon henny hyt en llydav at er racdywedygyon wyr
wuchot. A chet bey llaw·er em plyth e vydyn ho+
nno a vey da ganthvnt henny eyssyoes ed oed la+
wer o·nadvnt wyntev en drỽc kanthvnt adav ev
gwlat ac ev ryeny ac ev kenedyl. Ac ereyll o·nadv+
nt a oed gwell ganthvnt kadv eỽ dyweyrdep ac ev gwe+
ryndaỽt noc emkyssyllỽ a neythyorev. Ac evelly en
amravalyon lvossogrwyd amravael ewyllys a
vydey endvnt. Ac gwedy bot en paravt e llyn+
ghes e gwraged a ossodet endvnt ac ar hyt avon
themys e kyrchassant e mor. Ac o|r dywed gwedy
trossy onadvn eỽ hwyllyev parth a llydav kyvody
a wnaethant e gvrthwynebedygyon wynhoed
a chwythv en kythravl en ev erbyn. ac en e lle
eỽ gwascarỽ er holl longhev en peryglws trwy
amravalyon voroed gan ssvdav a body yr ran
wyhaf onadvnt. Ar rey a dyenghys o|r veynt
perygyl hvnnỽ wynt a wuryvt y enyssed ag+
kyfyeyth ac y gan estronolyon kenedloed e llas
ac e karcharwyt. ac e kethywyt llawer o·na+
dvnt. kanys em plyth llynghes Gwynwas a
| « p 85v | p 86v » |