Llsgr. Caerdydd 1.363 (Hafod 2) – tudalen 8r
Brut y Brenhinoedd
8r
ac ef yn arỽaỽc ac eỽ daly yn kwbyl wynt
ac eỽ llad hep annot. Ac odyna kyrchỽ racdỽ+
nt am penn brenyn groec a|e lw Ac gwedy eỽ
dyỽot hyt y gyt ac wynt. rannỽ y kytemdey+
thyon a orỽc|yn|teyr|bydyn ac gorchymyn ỽdỽnt
mynet paỽb yn tawel ac yn kymhen am pen y
pebylleỽ ar llwesteỽ ac na dywettey nep ỽn ge+
yr hyt pan klywynt llef korn brỽtỽs yn kyntaf
yn arwyd ỽdỽnt. Ac yna gwedy dyscỽ o·honaỽ ef
y paỽb onadỽnt pa wed y gwnelynt kychwyn
a orỽc ynteỽ a|e ỽydyn gyt ac ef hyt pan doeth
am pen pebyll e brenyn. A|phaỽb o|r bydynoed
ereyll a kyrchassant yn eỽ kyveyr megys yd erch+
essyt ỽdvnt. ac arhos yr arwyd a wnaethant. A h+
ynny nyt annodes brỽtỽs yr rody ỽdỽnt gwedy
y dyỽot hyt ym pebyll y brenyn. Gwedy klybot
o paỽb onadvnt yr racdywededyc arwyd dyspe+
ylyaỽ eỽ cledyỽeỽ a orỽgant paỽb onadỽnt. ac
y gyt ar cledyfyeỽ noethyon deffroy a orỽgant
yr rey kyskyadỽr ar rody agheỽaỽl dyrnoy+
dyeỽ. a hep nep trỽgared gwahanỽ yr enydyeỽ
ar corfforoed. Ac yn|y wed honno e kerdynt trwy
| « p 7v | p 8v » |