LlB Llsgr. Harley 4353 – tudalen 9v
Llyfr Cyfnerth
9v
eureit neu aryaneit neu euydeit pan dir ̷+
myccer. Bỽyt seic a chorneit cỽrỽf a geiff
Gỽas ystauell bieu hen [ yn| y ancỽyn.
dillat y brenhin oll eithyr y tudet ga ̷+
rawys. Ef a geiff y dillat gỽely a|e vantell
a|e peis a|e grys a|e laỽdyr a|e escityeu a|e hos ̷+
saneu. Nyt oes le dilis y|r gỽas ystauell y+
n| y neuad. kan keidỽ gỽely y brenhin. A|e
negesseu a wna rỽg y neuad a|r ystauell.
Y tir a geiff yn ryd. A|e ran o aryant y gỽest ̷+
uaeu. Ef a| tan gỽely y brenhin. March pres ̷+
sỽyl a| geiff y| gan y brenhin. A dỽy ran idaỽ
o|r ebran. O pop anreith a| wnel y teulu; ef
a geiff y| gỽarthec kyhyt eu kyrn ac eu hys+
BArd teulu a| geiff eidon o pop [ kyfarn.
anreith y bo ỽrth y| dỽyn gyt a|r teulu.
A ran gỽr mal pop teuluỽr arall. Ynteu a gan
vnbeinyaeth prydein racdunt yn dyd kat
ac ymlad. Pan archo bard y teyrn; kanet
vn kanu. Pan archo y vreyr; kanet tri cha ̷+
nu. Pan archo y tayaỽc; kanet hyt pan
vo blin. Y tir a geiff yn ryd. A|e varch yn pre ̷+
sỽyl y gan y brenhin. A|r eil kanu a| gan yn| y
neuad. kanys y penkerd a dechreu. Eil nes ̷+
saf yd eisted y|r penteulu. Telyn a geiff y
| « p 9r | p 10r » |