Breudwd Rhyddiaith Gymraeg 1300-1425
English

LlB Llsgr. Harley 958 – tudalen 40r

Llyfr Blegywryd

40r

ac ẏ dẏwedaspỽẏt* vrẏ. peis a talho pedeir
keinhaỽc. A buch dewisseit. a phadeỻ a tal+
ho keinhaỽc a dimei. A charreit o|r ẏt goreu
a tẏffo ar|tir ẏ tat. A hẏnnẏ a perthẏn ẏ|r
taẏogeu. Mab bonhedic a|dẏlẏir ẏ vagu
val hẏn. Mam ẏ mab gesseuin a|e hẏmdỽc
naỽ mis ẏn|ẏ chroth. a|thri|mis gwedẏ ẏ
ganher hi a|e mac. A hẏnnẏ ẏn ỻe blỽẏdẏn
idi. Odẏna ẏ tat a|dẏlẏ keissaỽ idaỽ ẏ hoỻ
gẏffreideu. ẏn gẏntaf ẏ dẏrẏ dauat a|e chnuf
ac a|e hoen genti. Ac odẏna gỽeren neu gein+
haỽc kẏfreith. A muneit o wenith ẏ wneuth  ̷+
ur iỽt idaỽ. A charreit deu ẏchen o gẏnnut.
A|dỽẏ gẏuelin o vrethẏn gwẏn. neu vrith ar
ẏ mab. A buch ulith a|e llo. A|thri charreit
o wenith a heid a* heid* a|cheirch. A|thri char+
reit o|gẏnnut. Os mẏn ẏ vam hi a|e keiff oỻ
onẏ|s mẏn rodher ẏ arall. O|r a morỽẏn
wẏrẏ ẏn ỻathrut heb gẏghor ẏ chenedẏl.
Ẏ that a dichaỽn ẏ hattỽẏn rac ẏ gỽr o|e han+
uod. Ac nẏ chẏỻ dim o|e iaỽn ẏ gan ẏ neb
a|e duc. Ac nẏ thal ẏ that ẏ hamobẏr ẏ har+
glỽẏd. O|r a gỽreic hagen ẏn ỻathrut o an+
uod ẏ chenedyl. nẏ eiỻ neb ẏ hattỽẏn o|e
hanuod rac ẏ gỽr. O|r ỻe ẏ bo ẏ hatlam