Rhydychen, Llsgr. Coleg yr Iesu 119 (Llyfr Ancr Llanddewi Brefi) – tudalen 88v
Ymborth yr Enaid
88v
DYret yspryt. sant kreaỽdyr byt. bydoed
eurnaf. Yn calonnev. an|dỽyuronnev vre+
inyaỽl hynaf. Gofỽy|an bryt. tro yn kyngyt.
keingadr waessaf. llaỽna o|th rat. ni a|th garyat.
gỽraỽl adaf. Ti yỽn kadrdỽr. an|didanỽr. y|didan+
af. ffynnon vyỽrat. rod douyd dat. odut vchaf.
Tan anỽylyt. serch a|gleindyt. glandeml euraf.
Oys duỽr deheu. doethyon eiryeu. eiryan wanaf.
Seithdyblyc rod. o|seith|ryỽ|vod. vud nefolaf.
A|ryd yn|haỽd. ynn ymadraỽd. meidraỽl araf.
Eennyn* geli. yn oleuni. loyỽne heul haf. Ser+
chaỽl dirryeu yn|ssynnhỽyreu. serch synnhỽyraf.
ffyrua weindyt. yn knaỽt dybryt. kny dybryt+
taf. kadarnnhaa. ni rac traha. trỽyr nerth
hytraf. Pell yrr elyn. y|ỽrth bop dyn. dynyaỽl a+
naf. Dyro hedỽch. ynn drỽy elỽch. odro alaf.
Val y|gallom. ochel pob som. symut waethaf
Pob argyỽed. a|phob dryged. dreic arỽraf. Dy+
ro wybot. y|tat drỽot. dro dỽyỽolaf. Ar|mab
gwynnvyt. tir glan yspryt. ysprydolaf. Moly+
ant maỽrred. yr tat ryssed. rỽysc adỽynhaf. Ma+
ỽl dilesteir. y vn mab meir. morỽyn deckaf. Ac
anuonet. mab arglỽyd kret. kreaỽdyr pennaf.
Yn annỽyldan. yr yspryt glan. glein annỽylaf. amen.
Ac odyna ymdyro y|ymgaru ar|mab gwynnvydic
| « p 88r | p 89r » |