Rhydychen, Llsgr. Coleg yr Iesu 57 – tudalen 220
Llyfr Blegywryd
220
perchennaỽc yn baraỽt y|damdỽng. oes; yn|y ỻe
y coỻo daỻ da a|e ordiwes. yno y bernir reith arnaỽ.
Tri dyn nyt geir eu geir eu* geir* ar dyn. Cref+
uydỽr gỽedy torro y broffes. a|thyst a|dycko cam+
tystolyaeth. a ỻeidyr kynefodic. A oes un geinya+
ỽc y bo eneit·uadeu dyn o|e hachaỽs neu amda+
nei. oes; keinyaỽc eisseu o alanas.
ỻyma dechreu kyfreitheu am tir a
D Eu amser y byd ago +[ daear.
ret kyfreith am|dir a|daear. kyntaf yỽ
o naỽuettyd kalan gaeaf hyt naỽuettyd chỽ+
efraỽr y byd agoret. Kyfreith. O naỽuettyd o chỽefra+
ỽr hyt naỽuettyd o vei y byd caeat. O naỽuet+
tyd o vei hyt naỽuettyd gỽedy aỽst y byd agoret. kyfreith.
O naỽuettyd gỽedy aỽst y byd caeat. kyfreith. hyt naỽ+
uettyd kalan gaeaf. Sef achaỽs y byd kaeat. kyfreith.
y gỽannỽyn. a|r kynhaeaf. ỽrth dywyỻaỽ y daear
yn|y deu amser hynny. rac ỻesteiryaỽ eredic y
gỽannỽyn. ac rac ỻesteiryaỽ medi y kynhaeaf.
Sef achaỽs y mae Jaỽn naỽ nieu gỽedy kalan
gaeaf y gyfreith yn gaeat. a|naỽuettyd gỽedy
| « p 219 | p 221 » |