LlGC Llsgr. Llanstephan 4 – tudalen 33v
Buchedd Beuno
33v
ae mynet y|th wlat ae trigyaỽ yman yn
gỽassanaethu duỽ. Heb y vorỽyn da
yman heb hi y mynnaf i drigyaỽ yn gỽas+
sanaethu duỽ geyr dy laỽ di y gỽr a|m
kyuodes i yn vyỽ o varỽ. ac yn|y ỻe y
syrthyaỽd y gỽaet y|r ỻaỽr yd ymdangos+
ses fynnaỽn loeỽ. ac o enỽ y vorỽyn y
kafas y fynnaỽn y henỽ. nyt amgen
ffynnaỽn digiỽc. A gỽedy talym o
amser braỽt yr vnbennes Jdon vab
ynyr gỽent hyt att veuno y ymovyn
y chwaer. a phan doeth ef yno. yd oed
y vorỽyn y·gyt a beuno yn gỽassana+
ethu duỽ. A gouyn a|oruc ef y chw+
aer a deuei hi gyt ac efo y wlat. Ac
yna y dywaỽt hitheu na mynnei
hi vynet nac adaỽ y ỻe y kyuodassit
hi o veirỽ. A gỽedy gỽelet o idon na
thygyei idaỽ yd|oed arnaỽ. eruynneit
a|oruc ef y veuno. dyuot y·gyt ac ef
hyt yn aberffraỽ y eruynneit y|r bren+
hin kymeỻ idaỽ y meirch a|r eur a|r a+
ryant a|dugassei y gỽr y gan y chwaer.
Ac yna y kerdassant hỽy eỻ|deu hyt yn
ỻys y brenhin. ac idon a|arganvu y|gỽr
yd oed ef yn|y|geissyaỽ. ac yn|y ỻe tynnu
| « p 33r | p 34r » |