LlGC Llsgr. 3035 (Mostyn 116) – tudalen 100v
Brut y Brenhinoedd
100v
hin y| hynẏ A| dyfynu myrdin attaỽ. kanys yn| y ỻud* yd
oed A| gỽedy dyuot myrdin rac y vron ef. ef a erchis
idaỽ rodi kygor idaỽ drỽy yr hỽn y gaỻei gaffel eigẏr
ỽrth y| gygor a gỽedy gỽybot ohonaỽ meint y gofeileint
a| r pryder a oed ar y brenhin am eigyr. doluryaỽ a| oruc
myrdin rac meint karyat y brenhin arnei A| dywedut
val hyn. O| myny ti gaffel dy ewyỻus ỽrth dy gygor
reit yỽ it arueru o| geluydodeu newyd a| r ny chlyỽspỽyt
eiroet y| th oes ti. kanys mi a ỽn o| medeginyaetheu. i
rodi itti drych Ac ansaỽd gorlois hyt na bo neb a ỽypo
na bo ti vo gỽrlois. Ac ỽrth hynẏ o| myny ditheu ufyd+
hau y hyny; minheu a| th| wnaf ti yn| y drych a| r wed y
mae gỽrlois. Ac vlpin o| ryt gradaỽc yn rith jỽrdan
o dindagol A|minheu yn trydyd gyt a| chwi a gymeraf
y| trydyd figur Ac veỻy yn| diogel y geỻy vynet y| r cas+
teỻ y| mae eigyr yndaỽ Ac vfydhau a oruc y| brenhin
o| e hoỻ dihewyt y hyny Ac o| r| diwed gorchymyn y ỻu
a| oruc y teulu. Ac ymrodi y vedeginyaetheu myrdin
A| e symudaỽ yn rith gỽrlois a wnaeth megys y| dywe+
dassei Ac vlpin yn rith jỽrdan A| myrdin yn rith brithuael
Megys nat oed neb o| r hoỻ nifer a| e hadnappei Megys
y| buesynt gynt Ac odyna kymrẏt eu ford a orugant
parth a chasteỻ dindagol yn| y ỻe yd oed eigyr A| phan
oed gyfliỽ gỽr a| ỻỽyn y deuthant yno A| gỽedy menegi
y| r porthaỽr bot yr jarỻ yn dyfot. yn| y ỻe a·gori y
porth a oruc Ac y| myỽn y deuthant. kanys py beth
araỻ a| tybygei neb pan welhynt gỽrlois e| hun
yn| y| furyf yn dyfot Ac yno y| nos hono y| trigyỽys y
brenhin y·gyt ac eigyr ac eilenwi y damunedic serch
gyt a| hi a oruc. kanys edrych ar y| furyf a gymerassei
| « p 100r | p 101r » |