LlGC Llsgr. 3035 (Mostyn 116) – tudalen 201r
Brut y Tywysogion
201r
gefeni penkeỻi blaen ỻyfni bỽlch y dinas ac y byryssant
oỻ y|r ỻaỽr eithyr kaer dyf. Y|vlỽẏdẏn hono yd ymgynuỻaỽd
Maelgỽn vychan ap maelgỽn ap rys ac ywein ap gruffud
a rys grẏc a|e meibon hỽynteu. a ỻu. ỻywelyn. ap joruerth a ỻu jarỻ pen+
uro am ben kaer vyrdin ac ymlad a|hi tri mis a gỽneuthur
pont ar tywi a orugant. ac yna y|doeth y ỻogwyr yn aruaỽc
y·gẏt a|r ỻanỽ y dorri y bont a gỽedy gỽelet o|r kymry na|frỽyth+
eu y hynt vdunt ymhoelut a|wnaethant y gỽladoed. Y|vlỽy+
dyn hono y bu varỽ rys gryc yn ỻan deilaỽ vaỽr ac y cladỽẏt
y|myniỽ yn ymyl bed y dat. Y|vlỽẏdyn honno y gorffenaỽd
maelgỽn vychan adeilat casteỻ dref ilan yr hỽn a|dechreuassei
vaelgỽn y dat kyn|no hynny. Y|vlỽẏdẏn rac·ỽyneb y|brathỽyt
rickert jarỻ penuro myỽn brỽẏdẏr yn jwerdon wedy y|adaỽ
o|e varchogyon yn dỽyỻodrus a|chyn pen y pytheỽnos y|bu
varỽ Y vlỽydyn hono y|geỻygỽyt gruffud ap. ỻywelyn. ap joruerth wedẏ
y vot yg|karchar whe|blyned. Y|vlỽydyn hono y bu varỽ
katwaỻaỽn ap mael·gỽn o vaelenyd yn|y cỽm hir. Y|vlỽydẏn
racỽyneb y bu varỽ ywein ap gruffud. yn ystrat flur duỽ merch+
yr wedy yr ỽythuet dyd o ystỽyỻ ac y|cladỽyt y·gyt a|rys
y vraỽt yg|kabidyldy y|myneich. Y vlỽydyn hono y|peusriodes
henri vrenhin verch jarỻ prouins. ac y gỽnaeth y neithaỽr
yn ỻundein. y|nadolyc wedy ym·gynuỻaỽ escyb a|chan mỽy+
af jeirỻ a|barỽneit ỻoegyr y·gyt. Y vlỽydyn racỽyneb y
bu vadaỽc* vadaỽc ap gruffud. maelaỽr ac y cladỽẏt yn anry+
dedus y mynachlaỽc lan egỽestyl yr ron* a|rỽnwalassei kyn
no hẏnẏ. Y|vlỽẏdẏn hono y bu varỽ ywein ap maredud ap
rotbert o gedewein. ac yna y bu varỽ escob ỻundein ac
escob kaer yr agon ac escob lincol ac vn nos kyn nos
| « p 200v | p 201v » |