LlGC Llsgr. 3035 (Mostyn 116) – tudalen 21v
Ystoria Dared
21v
niuer yn kytsynyeit ac ỽynteu ac ỽrth hyny bot yn
reit eu ỻad ac os veỻy y|gỽnelit y|vot ef yn amdif+
fynỽr ar y|wlat ac y goruydei amphimacus rac ỻaỽ
ar|wyr goroec. a phriaf a erchis y amphimacus bot
yn fydlaỽn ac yn vfyd ac yn baraỽt gyt a gỽyr ar+
uaỽc ereiỻ y|wneuthur y|darpar ac val y gaỻei ef
wneuthur hyny heb dyp. tranoeth ef a dywaỽt y
gỽnaei ef dir·uaỽr wassanaeth ac y gỽahodei ynteu
ỽy ỽrth y|sỽper ac yna pan vehynt ỽy ar y|sỽper yd
erchis priaf y amphimacus a gỽyr yn aruaỽc dy+
uot am eu pen a|e|ỻad kymeint hun. ac amphi+
macus a edewis idaỽ y gỽnaei ef hyny yn ỻawen
ac y·veỻy y|gỽahanỽys ef y ỽrth priaf ac yn yr
vn diwarnaỽt yr ym·gynuỻasant y|r vn ỻe at an+
tenor. ynteu polidamas ac vlcalegon ac amphi+
damas ac y·olaus ac y|dywedassant ỽrthaỽ y bot
hỽy yn anryuedu yn vaỽr gỽydynder priaf vot
yn weỻ gantaỽ ef eu marỽ ef a|e hoỻ wlat yn
warchaeedic y|myỽn no|gỽneuthur hedỽch y·rydaỽ
a gỽyr goroec ac antenor a dywaỽt pa wed y
kaei ef a|hỽynteu rydit a|gỽaret o hẏnẏ ot ym+
fydyant ỽy ac ef. pei as dyw·ettei arnaỽ a|e bot
yn vn ac ef. a|phaỽb ohonunt hỽy a|rodes kedernit
idaỽ ar hẏnẏ ac yna pan welas antenor y gaỻei
ef dywedut y darpar yn diogel idaỽ. ef a anuo+
nes at eneas y venegi idaỽ y gỽnent ỽy y
vrat y|wlat ac yd ymogelynt ỽynteu a|e hoỻ wyr
a|e da ac yd anuonynt genat at agamemnon am
hẏnẏ. ac a|frystei y|wneuthur eu brat ac ystyryeit
a|wnaeth antenor ry gyfot priaf yn irỻaỽn ỻidiaỽc
| « p 21r | p 22r » |