LlGC Llsgr. 3036 (Mostyn 117) – tudalen 126
Brut y Brenhinoedd
126
karrei y damgylchynu o hunty ar y tu a|rodeist
im. mal y bo diogelach im ymgadỽ y myỽn hỽn+
nỽ rac vy gelynyon. kanys ffydlaỽn uum ac
ỽyf ac vydaf it. A phy beth bynhac a wnelhỽyf
yno. yn ffydlonder itti y|gỽnaf. A chanhyadu a
wnaeth y brenhin idaỽ hynny. A gorchymyn id ̷+
aỽ ellỽg kennadeu hyt yn germania y geissaỽ.
porth odyno. Ac yna heb vn gohir ellỽg a oruc hen ̷+
gyst hyt yn germania. Ac odyna kymryt croen
tarỽ a|wnaeth ynteu a|e holli yn vn garrei. Ac o+
dyna ethol y lle cadarnhaf a allỽys y gaffel ar y
tir a|rodassit idaỽ. Ac a|r garrei honno messuraỽ
lle kastell. A dechreu y a·deilat yn diannot. A gue+
dy daruot adeilat y gaer. y|gelwit yg kymraec
kaer y|garrei. ỽrth y messuraỽ ar|garrei. Ac yn sa+
essnec tancastyr. Ac yn lladin castrỽm corrigie.
Ac o|r enweu hynny y|gelwit er hynny hyt hediỽ.
AC ymchoelut a wnaeth y kennadeu o Germa+
nia a deu naỽ llog yn llaỽn o etholedigyon
varchogyon aruaỽc gantunt. A merch hen·gyst
gantunt. Sef oed y henỽ Ronwen. Ac nyt oed
yr eil a gyffelypit idi rac y theccet. A guedy dyuot
y niuer hỽnnỽ. Sef a|wnaeth hengyst guahaỽd
gỽrtheyrn y|edrych yr adeilat deissyuyt a|r wnath+
oedit. Ac y edrych y|marchogyon newyd dyuot.
A guedy dyuot y brenhin yno A niuer bychan gan+
taỽ. moli a|wnaeth y|gueith newyd. A chymryt
| « p 125 | p 127 » |