LlGC Llsgr. Peniarth 11 – tudalen 151r

kỽynaỽ y vab a|oruc y brenhin a pheri kynneu tan maỽr. a

oruc ef ym|perued y dinas. a rodi y vab y|myỽn ỻestyr o|e|verwi. A gỽedy

hynny ef a|beris kymryt penn y kaỽr a|e grogi yỽch penn y porth.

A|phan vu digaỽn kic y|mab ef a|beris y dorri yn|divynnyon man.

a|dyuynnu kỽbỽl o|e|dylỽyth y·gyt o|e vỽyta. hyt y hergydyaỽd u+

dunt. a|gỽedy hynny ef a|beris dỽyn y cledyf a|o* rodi y walchmei.

a gỽalchmei a|e diolches idaỽ yn vaỽr. Etto heb y brenhin mi

a|wnaf yn vỽy dy rod di. Yna ef a|beris o|e hoỻ wyrda vynet y|r cas+

teỻ. Ac yna ef a|dywaỽt ỽrth walchmei. Arglwyd heb ef. mi a|vyn+

naf vy|medydyaỽ a|chỽbỽl ar ny mynno credu y duỽ yd ỽyf yn

gorchymun y ti ỻad eu penneu. Ac ueỻy y bedywyt* y brenhin yr

hỽnn oed arglỽyd ar aubanie. o achaỽs gỽyrtheu duỽ a milỽrya+

eth walchmei. Ac wedy hynny ef a|gychwynnaỽd gỽalchmei

o|r casteỻ drỽy diruaỽr lewenyd. ac yn henỽ ar y brenhin y roet

archer. namyn gỽalchmei a gerdaỽd racdaỽ yny doeth att

vrenhin gorgeraus y rydhau y gret. Yna y brenhin a|doeth yn

y erbyn. ac a|vu lawen ỽrthaỽ. Arglỽyd heb·y gỽalchmei llyma

vi yn dyuot y rydhau vy|ngret. a|ỻyma vyng|cledyf. A|r|brenh*

a|e kymerth yn|y laỽ ac a|edrychaỽd arnaỽ. ac a|uv lawen ỽrth+

aỽ. A|gỽedy hynny ef a|e roes yn|y trysor e|hun. Och heb·y gỽal+

chmei paham y gỽney di beth mor dỽyỻodrus a|hynny. Ny

thỽyỻeis i neb heb y brenhin. namyn iaỽnach yỽ y minneu

gael y cledyf noc y|neb. kanys mi a|hanwyf o genedyf* y gỽr

a|ladaỽd penn ieuan. arglỽyd heb·y gỽalchmei kam yỽ ytti vyn

treissyaỽ i yr hynny. arglỽyd vrenhin heb y marchogyon a

oedynt yno. gỽalchmei yssyd wr cỽrteis. a gogan a gaffut o|r