LlGC Llsgr. Peniarth 11 – tudalen 85r

cha  ỽd gỽeỻ idaỽ. Kanys maỽr y karei ef y vraỽt. ac a dyw+

aỽt ỽrthaỽ grassaỽ duỽ ỽrthyt vy|mraỽt y tec heb ef. Ac yna ka+

ẏn a|eistedaỽd y·gyt ac ef. ac heb wybot idaỽ ef a|e trewis dan benn

y vronn a|chyỻeỻ. ac ueỻy y bu uarỽ abel. drỽy weithret y vraỽt

yn|y ỻe y crewyt ef. ac yma yd ydys yn tystolyaethu panyỽ yn|yr

amser hỽnnỽ nat oed yn|y byt gỽr namyn tri. a|r angheu hỽnnỽ

a arwydockaa angheu iessu grist. kanys abel a|eỻit y gyffelybu

idaỽ ef. a chaẏn a|eỻyt y gyffelybu y iudas y ỻeidyr a|wnaeth ang+

heu iessu grist. Gỽedy gỽybot o|r arglỽyd daruot ỻad abel. ef a

doeth att gaẏn ac a|dywaỽt. mae abel dy vraỽt ti. Ac ynteu yna

a attebaỽd wedy daruot idaỽ ỻad y vraỽt a|e gudyaỽ a|deil rac y

welet. Arglỽyd heb ef ae myui yssyd warcheitwat ar vy|mraỽt.

Pa beth heb yr arglwyd a|wnaethost ditheu pan doeth ỻef attaf|i ~

yng|kỽyn y gan waet abel. ac am wneuthur o·honat ti hynny ti

a vydy emeỻdigedic ar|y dayar. a|r dayar a|vyd emeỻdigedic yn

dy weithredoed di o achaỽs geỻỽng o·honat ti y waet ef. Ac ue+

ỻy yr ymeỻdigaỽd duỽ y dayar yno. Eissyoes nyt emeỻdigaỽd

ef y prenn a|oed yn|y|ỻe y ỻas abel na|r prenneu ereiỻ a datho*

o·honaỽ. Ac o|r prenn hỽnnỽ y doeth ryuedaỽt maỽr. kanys

yr aỽr y ỻas abel dan y prenn. ef a symudaỽd y prenn y liỽ. ac

a|aeth yn|gyn|gochet a|r gỽaet cochaf. a hynny debygỽn i yr kadỽ

cof am y gỽaet a|goỻassit y·danaỽ. Ac o hynny aỻan ny thyfaỽd

vn ganghen o|r a|blennit o·honaỽ. namyn marỽ a chrinaỽ a|wne+

ynt. Eissyoes y prenn a|dyfaỽd yn dec yn|y ỻiỽ hỽnnỽ heb ly  ̷+

gru neb ryỽ dim arnaỽ. namyn na thyfaỽd neb ryỽ ffrỽyth ar+

naỽ yr pan ladyssit abel ydanaỽ. y prenneu ereiỻ a|deuei ffrỽyth

arnunt