LlGC Llsgr. Peniarth 18 – tudalen 7r
Brut y Tywysogion
7r
ỽrth hynny ny ỽeda yni mynet yn deissyuyt. am y
penn. namyn ynn eglur dyd gyt ac urdassaỽl gy+
ỽeirdep niuer. Ac o|r geireu hynny pob ychydic yd
hedychỽyt ỽynt ual y|gallei dynyon y|ỽlat dianc.
A thrannoeth yd aethant y|r ỽlat. A gỽedy y gỽelet yn
diffeith ym·gyrydu e|hunein a|ỽnaethant. a|llyma
ỽenn·ieith uchdryt. a chuhudaỽ uchdryt a|ỽnaethant.
a dyỽedut na ỽedei y|neb ymgetymeithassu a|e ystryỽ
ef. A gỽedy gỽibyaỽ ym|pob lle yn|y|ỽlat ny|chaỽssant
dim namyn gre gadỽgaỽn. A gỽedy caffel hỽnnỽ
llosci y tei. ar yscuboryeu. ar|ydeu. ac ymhoelut a or+
rugant y|pebylleu dracheuen. A|diua rei o|r dynyon
a|ffoessynt y|lan padarnn. A gadel ereill hep eu diua.
A|phann oedynt uelle clybot a|ỽnaethant bot rei yn
trigyaỽ ynn nodua deỽi ynn llann deỽi ureui. yn|yr
eglỽys gyt ar offeireit. anuon a|ỽnaethant yno
drycysprydolyaeth gyỽeithas. A llygru a|ỽnaethant
y vynnỽent ar eglỽys a|e diffeithaỽ o|gỽbyl. a|gỽedy
hynny yn orỽac hayach yd ymhoelassant. eithyr
cael an·uolyanus anreith o gyulyeoed y seint. dewi
a|phadarnn. A gỽedy hynny y|morddỽydaỽd* yoỽein y
Jỽerdon gyt ac ychydic o|getymeithon. a rei yd|oed
achaỽs vdunt trigyaỽ yn|y ol kanys buessynt ỽrth
loscedigaeth y castell. Ac y|gann mỽrcart y|brenhin
pennaf yn|y Jỽerdon yd aruollet ef ynn hegar. ka+
nys ef a|uuassei gynt gyt ac ef. a|chyt ac ef y|me+
| « p 6v | p 7v » |