LlGC Llsgr. Peniarth 190 – tudalen 23
Ystoria Lucidar
23
niueileit. ac yn|y chwechet awr y gỽnaeth+
pỽyt gỽreic. ac yn|y ỻe y kymherth hi yr
aual gỽahardedic. ac yd estynnaỽd ang+
eu o|e gỽr. ac yr angeu idaỽ y bỽytaaỽd.
ac yn|y seithuet aỽr yn|diannot y gyrra+
ỽd yr arglỽyd ỽynt o baradwys. discipulus Pa beth
vu cherubyn. a|r|cledyf tan yn|y laỽ. Magister Y
cledyf yỽ mur tan yssyd yngkylch paradỽ+
ys. yr pan bechỽyt yndi hyt hediỽ. Y cheru+
byn yỽ engylyaỽl geitwadaeth megys
tan. discipulus Pa le yd aeth adaf yna. Magister Y ebron
yd ymchoelaỽd y|r ỻe y gỽnaethpỽyt. ac yno
y creaỽd ynteu veibyon. ac yno y ỻadaỽd
cayin abel y vraỽt. ac y bu adaf yna heb
achaỽs idaỽ ac eua gan mlyned. ac y ga+
net seth yn ỻe abel. ac o etiued hỽnnỽ y
ganet crist. a mi a vanagaf ytti o amser
adaf hyt ar noe na bu dafyn glaỽ. ac
na bu enuys. ac na bỽytaei dynyon gic.
ac nat yfynt win. a|phob amser a|oed me+
gys gỽanhỽyn. ac amylder o bop ryỽ da.
| « p 22 | p 24 » |