LlGC Llsgr. Peniarth 32 (Y Llyfr Teg) – tudalen 215
Llyfr Iorwerth
215
attwo tir. a breint kymro O deruyd. y|r gorwyr hỽn+
nỽ gỽedy hynny rodi y verch y aỻtut; mab y
verch honno a|dy˄ly mamỽys gyt a|phlant y gor+
wyr hỽnnỽ. ny|s|dylyant hagen y gan yr aỻtut+
yon kyntaf. nac y gan eu meibyon nac eu hỽy+
ron. kannyt oedynt briodoryon. ac yny esgyn+
ho aỻtut yn briodaỽr y byd breint aỻtud bren ̷+
hin arnaỽ. O deruyd. y aỻtut pan del o|e wlat gỽrhau
y uchelỽr. ac y gan hỽnnỽ mynet att araỻ. a
cherdet o·honaỽ a|e vab gỽedy ef a|e wyr a|e or ̷+
wyr. a|e oresgennyd o vchelỽr y|gilyd; heb was ̷+
tattau yn vn ỻe mỽy no e|gilyd; bint ỽynteu
ar vreint aỻtutyon hyt tra vont heb wastat+
tau ueỻy. O|deruyd. y aỻtut gỽrhau y vab uchelỽr. a
bot y·gyt ac ef hyt y agheu. a bot mab yr aỻ+
tut y·gyt a mab y mab uchelỽr. ac ỽyr yr aỻtut
y·gyt ac wyr y mab uchelỽr. a gorwyr yr aỻtut
y·gyt a|gorwyr yr uchelỽr; y pedwyryd uchelỽr
hỽnnỽ a vyd priodaỽr ar orwyr yr aỻtut. a|e|eti+
ued yn briodoryon ar etiued y gorwyr hỽnnỽ
yn|dragywydaỽl. ac o hynny aỻan. ny dylyant
ỽy vynet y|r wlat yd hanffont o·honei y ỽrth
eu harglỽyd priodaỽr. O deruyd bot kyfreith. y·rỽg deu·dyn.
a bot kyghaỽs a chanỻaỽ o bop parth y|r per+
chennogyon haỽl. a holi o|r haỽlỽr. ac atteb o|r
| « p 214 | p 216 » |