LlGC Llsgr. Peniarth 33 – tudalen 37
Llyfr Blegywryd
37
aỽr. O|r anchin. y|lle y|tẏghei y|mach ar
y seithuet gan wadu y|vechniaeth oll; yno
y|tỽg e|hun. gan|wadu rann. ac adef rann
arall o|r vechni T·ri mach ẏssẏd nẏ|che ̷+
iff vn ohonnunt dỽẏn ẏ|vechni ar|ẏ|lỽ e ̷
hun kẏn gwatto rann. ac adef ran arall
o|r vechni; nẏt amgen. no|dẏn a|el yn va ̷+
ch kẏnnogẏn. Beth|bẏnnac a|tygho ẏ|kẏ ̷+
ntaf;. ẏ|llys a|dẏlẏ tẏgu ẏgẏt ac ef neu ̷ ̷
ẏnn|ẏ erbẏn;. Yr eil. neu ẏ|trẏdẏd. beth|bẏ ̷+
nnac a tẏgho ar ẏ seithuet. o|e gẏfnessa ̷+
uẏeit ẏ|tỽg;. kannẏs talaỽdỽr o|gẏfreith
vyd pob vn ohonnunt. T·ri rẏỽ tỽg ẏs ̷+
sẏd; kadarnhau guir gan tẏgu trỽẏdaỽ ̷
berued Eil ẏỽ; guadu geu; gan tẏghu ̷ ̷
trỽẏdaỽ berued; Trẏdẏd yỽ; tyghu peth
petrus herwẏd kẏttwẏbot ẏr hynn nẏ
wẏpper ẏn|diheu peth vo ae gỽir. ae|geu. ~
O|teir fford ẏ|doosberthir braỽt gyngha+
ỽs. kẏntaf ẏỽ; trỽẏ odef. kannys godef
a|tẏrr pob kyghaỽs; Os braỽdỽr a|odef gỽys+
tyl ẏnn|ẏ erbẏn ẏ|varn yn tagneuedus.
heb rodi gỽrthỽẏstẏl ẏna dẏgỽẏdedic vẏd
ẏ|varnn. Eil yỽ; braỽtlẏuẏr ẏrỽg deu ̷
| « p 36 | p 38 » |