LlGC Llsgr. Peniarth 36A – tudalen 35r
Llyfr Blegywryd
35r
uỽell gynnut. ae gỽlltyr. kany eill tat
rodi y neb y tri hynny namyn yr mab
ieuhaf. a chyn gỽystler. ny dygỽydant
byth. Odyna kymeret pob braỽt eissy+
dyn ac ỽyth erỽ. ar mab ieuhaf a ran.
ac o hynaf y hynaf dewis hyt ar y ieu+
haf. Teir gỽeith y renhir yr vn tref
tat rỽg teir grad kenedyl. yn gyntaf
rỽg brodyr. Eilweith rỽg kefynderỽ. Try+
ded weith rỽg kyferderỽ. Odyna nyt
oes briaỽt ran ar tir. Ny dyly neb gofyn
atran onyt y neb ny chafas dewis ran.
Odyna y diaereb yssyd nyt oes warthal
gan dewis. Ny cheiff neb tir y gyt eti+
ued. megys y vraỽt. neu y gefynderỽ
neu y gyferderỽ. gan y ofyn trỽy yr vn
gyt etiued hỽnnỽ a vei varỽ heb etiued
idaỽ oe gorff. namyn gan y ofyn trỽy
vn oe ryeni a| uu perchen y tir hỽnnỽ
hyt y varỽ ae tat ae hentat. ae gorhen+
tat. y tir hỽnnỽ a geiff os ef a uyd nes+
saf kar yr marỽ. Gỽedy ranho brodyr
| « p 34v | p 35v » |