LlGC Llsgr. Peniarth 36A – tudalen 9v
Llyfr Blegywryd
9v
NAỽ nyn a gredir pob vn yn dỽ ̷+
yn y tystolyaeth gan tygu. kyntaf
yỽ; arglỽyd y rỽg y deu ỽr. trỽy na bo
kyfrannaỽc ar y dadyl neu ar yr hyn
y bo y dadyl ymdanaỽ. ot adef pob vn
or gỽyr. ryuot eu kynhen yn| y ỽyd ef
kyn no hynny. ac na bỽynt vn dull. ac
or gỽatta vn yn erbyn y llall; dir yỽ idaỽ
tygu yg gỽyd yr arglỽyd. Yspeit naỽ ni ̷+
eu a geiff arglỽyd am y lỽ y vedylyaỽ
py vod y tygho. Oet yssyd y offeirat. am y
lỽ. hyt amser y gallo ganu offeren yn
gyntaf. Eil yỽ abat rỽg y deu vanach.
Trydyd yỽ tat rỽg y deu vab gan dodi y
laỽ ar pen y mab y tygho yn| y erbyn. a
thygu val hyn. myn duỽ am creỽys i
o tat. a thitheu o·honof inheu. gỽir yỽ
a dywedaf i y·rot ti ath vraỽt. Petwyryd
yỽ braỽdỽr y·rỽg y deu dyn a uỽynt yn
amrysson am y varn a rodassei ef vdunt
gyn no hynny. Pymhet yỽ mach am y
vechni gyfadef y rỽg deu dyn pan watto
ran oe vechni. ac adef ran arall. Whechet
| « p 9r | p 10r » |