LlGC Llsgr. Peniarth 45 – tudalen 112
Brut y Brenhinoedd
112
kytsynyaỽ ac wynt. Sef a oruc y bratwyr
hynny eu llad y rann uỽyhaf o·nadunt. A phan
glyỽssant bot ynys. prydein. yn anreithedic o|e march+
ogyon a|e hymladwyr. kymryt a|wnaethant
y porth uỽyhaf a|gaỽssant ygyt ac wynt o|r
ynyssyd a dyuot yr alban a dechreu anreithaỽ
y gỽladoed oed heb lywaỽdyr arnunt a|llad y
bileinllu ar tir diwyllodron. Ac yna gwedy
menegi y uaxen y trueni hỽnnỽ yd anuones
ef Gracian rod kymryt a dỽy leng o wyr
aruaỽc y gyt ac ef y amdyffyn y bryttaneit
ac gwedy dyfot Gracian ynys. prydein. ymlad a
wnaeth a|e elynyon a gỽneuthur aerua o·na+
dunt a|e kymhell ar fo hyt yn iwerdon. Ac yn|yr
amser hỽnnỽ y llas maxen yn ruuein. Ac y gwas+
garỽyt oed y gyt ac ef o|r brytanneit. Ac y fo+
assant hyt yn llydaỽ at kynan meirydaỽc; ~ ~
A phan gigleu Gracian rod kymryt llad
maxen yn ruuein. Gwisgaỽ a|oruc ynteu cor+
on y|teyrnas. A brenhina eth ynys. prydein. a
kymyrth yn eidaỽ. Ac gwedy y|uot yn urenin.
kymeint uu y creulonder yn erbyn y bryttann+
neit ac y goruu arnunt y lad. A phan gigleu
Gwinwas a melwas hynnullaỽ* a wnaethant
y gỽydyl ar yscotyeit a gwyr denmarc ar
llychlynwyr y gyt ac wynt a dyuot ynys. prydein; ~
| « p 111 | p 113 » |